ഉപജില്ലാ ബാലശാസ്ത്രകോണ്‍ഗ്രസ്സ് വിജയികളെ അനുമോദിച്ചു.

          ബേക്കല്‍ ഉപജില്ലാ ബാലശാസ്ത്രകോണ്‍ഗ്രസ്സില്‍ രണ്ടാം സ്ഥാനം നേടി നമ്മുടെ സ്കൂളിന്റെ അഭിമാനങ്ങളായിമാറിയ  അശ്വിന്‍,കരിഷ്മ,രാഹുല്‍,വിജുത എന്നീ കുട്ടികളെ പ്രത്യേകം ചേര്‍ന്ന സ്കൂള്‍ അസംബ്ലിയില്‍വെച്ച്  അനുമോദിച്ചു.സ്കൂളിന്റെ യശസ്സ് ഉയര്‍ത്തിപ്പിടിച്ച ഈ കുട്ടികളെ ഹെഡ്‌മാസ്റ്റര്‍ പ്രത്യേകം അഭിനന്ദിച്ചു.

                      

 

 

 

 

 

ചടങ്ങില്‍ വെച്ച് കുട്ടികള്‍ സമ്മാനം സ്വീകരിക്കുന്നു

മെട്രിക്ക് മേള

      നിത്യ ജീവിതത്തില്‍ കുട്ടികള്‍ കൈകാര്യം ചെയ്യുന്ന മെട്രിക്ക് അളവുകളുമായി ബന്ധപ്പെട്ട അനുഭവങ്ങളെ പ്രയോജനപ്പെടുത്തി ഗണിതത്തിലെ  മറ്റുമേഖലകളിലെ ആശയരൂപീകരണം ഫലപ്രദമാക്കുക എന്ന ഉദ്ദേശ്യത്തോടുകൂടി 3,4 ക്ലാസ്സുകളിലെ  ഗണിതത്തില്‍ പിന്നോക്കം നില്‍ക്കുന്ന കുട്ടികള്‍ക്കായി നടത്തിവരുന്ന മെട്രിക്ക്മേളയിലെ പോസ്റ്റ് ടെസ്റ്റായ മെട്രിക്ക് ക്യാമ്പ്24.02.2015 ചൊവ്വാഴ്ച നടന്നു.3,4ക്ലാസ്സുകളില്‍ നിശ്ചിത മേഖലയുമായി ബന്ധപ്പെട്ട പാഠഭാഗം പൂര്‍ത്തിയായതിനു ശേഷം സംഘടിപ്പിച്ച മൂന്നു മണിക്കൂര്‍ ദൈര്‍ഘ്യമുള്ള മെട്രിക്ക് പ്രവര്‍ത്തനങ്ങള്‍ക്ക് ശേഷമാണ് ക്യാമ്പ് നടത്തിയത്.നീളം,ഭാരം ഉള്ളളവ്,സമയം എന്നിവയുമായി ബന്ധപ്പെട്ട പ്രവര്‍ത്തനങ്ങള്‍ സമയബംന്ധിതമായി പൂര്‍ത്തിയാക്കി.4മെട്രിക്ക് പ്രവര്‍ത്തനമൊഡ്യൂളുകള്‍ ക്ലാസ്സ്തലത്തില്‍ സംഘടിപ്പിച്ച.ബാഗിന് ഭാരം കൂടുതലോ? എന്ന പ്രവര്‍ത്തനത്തിലൂടെ വെയിംഗ് മെഷീന്‍ പരിചയപ്പെടാനും കൂടുതല്‍ ഭാരമുള്ള ബാഗ് ഉപയോഗിക്കുന്നയാളെയും കുറവ് ഭാരമുള്ള ബാഗ് ഉപയോഗിക്കുന്നയാളെയും കണ്ടത്താനും സാധിച്ചു. ബാഗില്‍ എന്തൊക്കെ? എന്ന പ്രവര്‍ത്തനത്തിലൂടെ ഭാരത്തിന്റെ യൂണിറ്റുകള്‍ പരിചയപ്പെട്ടു.തൂക്കക്കട്ടകള്‍  തയ്യാറാക്കി.മീറ്റര്‍ സ്കെയില്‍ നിര്‍മ്മാണത്തിലൂടെ 100സെ.മീ ചേര്‍ന്നതാണ് 1മീ. എന്ന് മനസ്സിലാക്കി.12മണിക്കൂര്‍ ക്ലോക്ക്,മെട്രിക്ക് ക്ലോക്ക്,പിറന്നാള്‍ കലണ്ടര്‍ എന്നിവ നിര്‍മ്മിച്ചു.
      24.02.2015 ചൊവ്വാഴ്ച നടന്ന ഏകദിന മെട്രിക്ക് ക്യാമ്പ്  ഹെഡ്‌മാസ്റ്റര്‍ ശ്രീ രാജഗോപാലന്‍ മാസ്റ്റര്‍ ബാഡ്ജ് നിര്‍മ്മിച്ച് മൂന്നാം തരത്തിലെ മിസ്സിരിയയ്ക്ക് നല്‍കിക്കൊണ്ട് ഔപചാരികമായി ഉദ്‌ഘാടനംചെയ്തു.ചടങ്ങില്‍ പുഷ്പട്ടീച്ചര്‍ സ്വാഗതം പറഞ്ഞു.പ്രീതട്ടീച്ചര്‍ അധ്യക്ഷത വഹിച്ചു. രാജീവന്‍മാസ്റ്റര്‍,മിനിട്ടീച്ചര്‍ എന്നിവര്‍ ആശംസകളര്‍പ്പിച്ചു.സരിതട്ടീച്ചര്‍ നന്ദി പ്രകാശിപ്പിച്ചു.കുട്ടികളോരോരുത്തരും അധ്യാപകരുടെ നിര്‍ദ്ദേശമനുസരിച്ച് കൃത്യമായ അളവില്‍ ബാഡ്ജ് നിര്‍മ്മിച്ചുകൊണ്ട് ക്യാമ്പ് പ്രവര്‍ത്തനങ്ങള്‍ ആരംഭിച്ചു.തുടര്‍ന്ന് മീറ്റര്‍ സ്കെയില്‍ നിര്‍മ്മാണം,വര്‍ക്ക് ഷീറ്റ് പൂര്‍ത്തിയാക്കല്‍, മെട്രിക്ക് ക്ലോക്ക് നിര്‍മ്മാണം,അളവുപാത്രം നിര്‍മ്മിക്കല്‍ എന്നീ പ്രവര്‍ത്തനങ്ങള്‍ ചെയ്തു.രാവിലെ 10മണിക്ക് ആരംഭിച്ച ക്യാമ്പ് പ്രവര്‍ത്തനങ്ങള്‍ വൈകുന്നേരം4മണിവരെനീണ്ടു.അടിസ്ഥാനഗണിതശേഷികള്‍ പരിപോഷിപ്പിച്ച് കുട്ടികളെ പഠനമികവിലേക്ക് നയിക്കുന്നതോടൊപ്പം ക്ലാസ്സ്റൂം പ്രവര്‍ത്തനങ്ങളിലെ പ്രവൃത്തിപരിചയസാധ്യതകള്‍പ്രയോജനപ്പെത്താനും,സംഘപ്രവര്‍ത്തനങ്ങള്‍,കളികള്‍ എന്നിങ്ങനെയുള്ള കാര്യങ്ങള്‍  നിറവേറ്റാനും ഈ ക്യാമ്പ് പ്രവര്‍ത്തനങ്ങള്‍കൊണ്ട് സാധിച്ചുവെന്നതില്‍ സംശയമില്ല.

ബാഡ്ജ് നിര്‍മ്മിച്ച് നല്‍കിക്കൊണ്ട് ഹെഡ്‌മാസ്റ്റര്‍ മെട്രിക്ക് ക്യാമ്പ് ഉദ്ഘാടനം ചെയ്യുന്നു.

                കുട്ടികള്‍ ബാഡ്ജ് നിര്‍മ്മാണത്തില്‍

അളവുതെറ്റാതെ ശ്രദ്ധിച്ച്                            

      










  സ്വന്തം ബാഡ്ജണിഞ്ഞ്

                                സ്കെയില്‍ നിര്‍മ്മാണം

 മെട്രിക്ക് ക്ലോക്കുമായി കുട്ടികള്‍

മെട്രിക്ക് ക്ലോക്കിലെ വിശേഷങ്ങള്‍ കൂട്ടുകാരുമായി പങ്കുവെക്കുന്നു.

                 അളവുപാത്രം നിര്‍മ്മിക്കല്‍                

                      അളവുപാത്രം റെഡി

കൂടുതല്‍ ചിത്രങ്ങള്‍ ഫോട്ടോ ഗാലറിയില്‍

കായിക പരിശീലനം

            ഉദുമ ഗ്രാമപഞ്ചായത്തിന്റെ ആഭിമുഖ്യത്തില്‍ യു പി കുട്ടികള്‍ക്കായുള്ള കായിക പരിശീലനപരിപാടി ആരംഭിച്ചു.തിങ്കളാഴ്ചയും വെള്ളിയാഴ്ചയും വൈകുന്നേരം 4മണിമുതല്‍5മണിവരെ ഓഫീസ് അസിസ്റ്റന്റ് മുരളിയുടേയും അധ്യാപകരുടേയും നേതൃത്വത്തില്‍ പരിശീലനം നടന്നുവരുന്നു.പരിശീലനത്തില്‍ പങ്കെടുക്കുന്ന കുട്ടികള്‍ക്ക് പ്രത്യേക ഭക്ഷണവും നല്‍കിവരുന്നു.50കുട്ടികള്‍ക്കാണ് പരിശീലനം നല്‍കുന്നത്.

ബേക്കല്‍ ഉപജില്ലാബാലശാസ്ത്രകോണ്‍ഗ്രസ്സ്

              ബേക്കല്‍ ഉപജില്ലാബാലശാസ്ത്രകോണ്‍ഗ്രസ്സില്‍ കോട്ടിക്കുളം ഗവണ്‍മെന്റ് യുപി സ്കൂളിന് മികച്ച വിജയം.17.02.2015ന് ബേക്കല്‍ ബി ആര്‍ സിയില്‍വെച്ചുനടന്ന സെമിനാര്‍ അവതരണത്തില്‍ അശ്വിന്‍ എസ്,കരിഷ്മ വി, രാഹുല്‍ ആര്‍,വിജുത വി എന്നിവരുടെ ടീം രണ്ടാം സ്ഥാനം നേടി സ്കൂളിന് അഭിമാനമായി."നിത്യജീവിതത്തിലെ രസതന്ത്രം "എന്ന വിഷയമായിരുന്നു പ്രബന്ധാവതരണത്തിന് തെരഞ്ഞടുത്തത്.ഇതിനു വേണ്ടി കുട്ടികള്‍ നടത്തിയ പഠനങ്ങള്‍ അവര്‍ക്കും മറ്റുകുട്ടികള്‍ക്കും പഠനപ്രവര്‍ത്തനങ്ങള്‍ക്ക് ഏറെ സഹായകരമാവുമെന്നതില്‍ സംശയമില്ല.

വിജയികളെ അനുമോദിച്ചു.

                  ഉദുമഗ്രാമപ്പഞ്ചായത്ത് ബാലശാസ്ത്രകോണ്‍ഗ്രസ്സില്‍ വിജയിച്ച കുട്ടികളെ സ്കൂള്‍ അസംബ്ലിയില്‍ വെച്ച് അനുമോദിച്ചു.ആറാം തരത്തിലെ അര്‍ഷ എ,പ്രത്യുഷ്‌കുമാര്‍ കെ,ശരത്ത് യു,സഞ്ചു കെ എന്നിവര്‍ ഉള്‍പ്പെട്ട ടീം ഒന്നാം സ്ഥാനവും ഏഴാം തരത്തിലെ അശ്വിന്‍ എസ്,കരിഷ്മ പി,രാഹുല്‍ ആര്‍,വിജുത വി എന്നിവര്‍ ഉള്‍പ്പെട്ട ടീം രണ്ടാം സ്ഥാനവും നേടി.വിജയികള്‍ക്ക് ഹെഡ്‌മാസ്റ്റര്‍ ട്രോഫികള്‍ വിതരണം ചെയ്തു.
      ബേക്കല്‍ ഉപജില്ലാസംസ്കൃതം സ്കോളര്‍ഷിപ്പ് പരീക്ഷയില്‍ വിജയിച്ച ആദിത്യന്‍പി(v),അര്‍ഷഎ(vi),സഞ്ചുകെ(vi),സാന്ദ്ര കെ(vii) എന്നിവരേയും അനുമോദിച്ചു,